ஒரு தந்தையின் கனவு

பேனா எடுத்தேன்
கவிதை எழுதுவதற்கு...
பிஸிக்ஸ் பாடம் படி
என்று கட்டளையிட்டார் !

கிரிக்கெட் விளையாட
மட்டையை எடுத்தேன்
கணிதப்பாடத்தில்
கவனம் செலுத்து என்றார் !

கல்லூரிக்கு செல்ல
இரு சக்கர வாகனம் கேட்டேன்
கார் வாங்கி தருவதாக
சொல்லி காலத்தை கடத்தினார் !

நடனம் கற்றுக்கொள்ள
அனுமதி கேட்டேன்
நாற்பது மதிப்பெண் எடுத்த
பாடத்தை சுட்டிக் காட்டினார் !

ஒரு கண்ணதாசன்
ஒரு சச்சின்
ஒரு மைக்கில் ஜாக்சன்
எல்லாம் சேர்ந்த கலவையில்
உருவாக கனவு கண்டேன் !
மாத சம்பளம் வாங்குவது
அமைதியான வாழ்க்கை
என்று அறிவுரை கூறினார் !

எத்தனையோ கனவுகள்
பால்யத்தில் பவணி வந்த வேளையில்
தந்தையின் கனவுக்கு
உயிர் கொடுக்க செலவு செய்தேன் !

என் கனவுகள் எல்லாம்
கனவாகி போனாலும்
இறுதியாக...
ஒரு கனவு உயிரோடு இருக்கிறது
என் மகன் நிறைவேற்றுவான் என்று !